Наманган: баҳорги мавсумга техникларни шай ҳолатга келтириш назоратда

Қишлоқ хўжалиги соҳаси ходимлари учун йил ўн икки ой юмуш топилади. Бинобарин, қиш мавсуми ҳам улар учун масъулиятли давр ҳисобланади. Яъни, баҳорги дала ишларида қатнашадиган қишлоқ хўжалиги техникаларини мавсумга соз ҳолга келтириш ишлари айни қиш мавсумида олиб борилади.

Наманган вилоятида 2023 йил баҳорги дала ишларида иштирок этадиган қишлоқ хўжалиги техникаларини таъмирлаш ишлари қандай кетмоқда?

Ҳисоб-китобларга кўра, мавсум учун вилоят бўйича 1 минг 305 та чопиқ трактори, 1305 та культиватор, 588 та чигит экиш сеялкаси, 3 минг 4 дона тишли борона, 433 та чизел мосламаси, 421 та пушта олувчи мослама, 203 та ер текислагич, 312 та пуркагич қатнашиши белгиланган.

-Мавсумда қатнашадиган техникалар белгиланган дислокацияларга асосан барча туманларда ташкил этилган 32 та таъмирлаш масканлари- “Агросервис МТП” МЧЖ ларида таъмирдан чиқарилиб, мавсумга шай холатга келтирилган техникаларни туман комиссиялари томонидан қайта кўриб чиқиш, мавжуд камчиликларни бартараф этган холда қабул қилиб сертификат бериш ишларини бориши “Ўзагроинспекция”нинг вилоят бошқармаси ва туман бўлимлари томонидан назоратга олинди. Шу билан бирга мавсум ишларига жалб этилаётган ҳар бир қишлоқ хўжалиги техникалари ва машина механизмларни Инспекция органларида рўйхатдан, қайта рўйхатдан, йиллик техник кўрикдан ўтказилганлиги, шунингдек, механизаторларни тракторчи-машинист гувоҳномаларини тоифалари бошқарувидаги техникаларни бошқаришга рухсат бериши ҳамда гувоҳномаларини, шу билан бирга техник ҳужжатларни янги намунадаги пластик шаклдаги ҳужжатларга алмашитирилганлиги алоҳида назоратга олинди-, дейди инспекция вилоят бошқармаси бош инспектори А. Акбаров.

Олиб борилган назорат ишлари давомида баҳорги дала ишларида қатнашадиган техникалардан Мингбулоқ туманида 37 та, Косонсой туманида 35 та, Наманган туманида 75 та, Норин туманида 34 та, Поп туманида 27 та, Тўрақўрғон туманида 56 та, Уйчи туманида 29 та, Учқўрғон туманида 8 та, Чортоқ туманида 14 та, Чуст туманида 49 та қишлоқ хўжалиги техникалари йиллик техник кўрикдан ўтказилди.

Жорий йилнинг дастлабки 20 кунида эски намунадаги 86 та техник ҳужжатлар, 69 нафар механизаторларни тракторчи-машинист гувоҳномалари янги пластик шаклдаги ҳужжатларга алмаштирилди.

“Ўзагроинспекция” Наманган вилояти бошқармаси матбуот хизмати