Камчиликларга йўл қўйган фермер хўжаликлари ва кластер корхоналари раҳбарларига огоҳлантиришлар берилди

Бугунги кунда ғўза майдонларида агротехник тадбирларни ўз вақтида ва сифатли ўтказган, айниқса культивация, чуқур юмшатиш ва минерал ўғитлар билан озиқлантириш ҳамда ҳамда ўргимчаккана, кўсак қуртига қарши кураш каби агротехник тадбирларни сифатли амалга оширган фермерларнинг даласида ғўза барқарор ривожлантирганлигини кузатиш мумкин.

Инспекция томонидан жойларда ўтказилган мониторинг тадбирига кўра, ғўза майдонларининг 167 минг гектари ёки 17 фоизи 3-4 кўсак, 405 минг гектари ёки 40 фоизи 5-6 кўсак ва 440 минг гектар ёки 43 фоиз 7-8 кўсак фазасида ривожлантирганлиги маълум бўлди.

Шу билан бирга, ғўза майдонларининг қатор оралари 19 702 дона культиваторлар ёрдамида 7,3 марта ишлов берилиб, бугунги кунда ғўза майдонларида азотли минерал ўғитлар билан 3-озиқлантириш ишлари жадал олиб борилмоқда.

Хусусан, Республика ҳудудларида жорий йилда 823 минг 259 тонна ёки гектарига ўртача 816 кг азотли минерал ўғитлар берилиб ғўзани озиқлантириш ишларини амалга ошириш ҳисоб-китоб қилинган.

Тадбирлар давомида бугунги кунгача ғўза майдонларига азотли ўғитларинг ўртача йиллик меъёрнинг 718 килограмми ёки 87 фоизи ғўзага берилганлиги маълум бўлди.

Инспекция томонидан ўтказилган мониторинглар давомида аниқланишича ғўза майдонларида амалга оширилаётган самарали агротехник тадбирлар билан биргаликда, бир қатор фермер хўжаликлари томонидан ушбу тадбирни амалга оширишда хато-камчиликларга йўл қўйилганлиги аниқланди.

Ушбу аниқланган камчиликларни бартараф этиш ва келгусида уларнинг олдини олиш юзасидан фермер хўжаликлари ва кластер корхоналарига 12 минг 127 та огоҳлантиришлар берилди. 

Шунингдек, Инспекция мутахассислари томонидан ҳудудлардаги ғўзани ғовлатишга йўл қўймасдан, чилпиш ишларини сифатли ўтказиш, ғўзани чанқатмасдан, фақат шарбат билан суғоришни ташкил этиш, культиваторларни даладан чиқармасдан ишловларни давом эттириш ҳамда ўргимчаккана, кўсак қурти каби зараркунандаларга қарши кунлик дала кузатувларини кучайтириб, унинг тарқалишини олдини олиш ва самарали ишловларни ташкил қилиш бўйича назорат ўрнатган.

"Ўзагроинспекция"нинг Қишлоқ хўжалигида агротехник тадбирлар ўтказилишини назорат қилиш бўлими