2023 yil Inspeksiya Attestatsiya komissiyasi faoliyati tahlili
Inspeksiya boshlig‘i tomonidan 2023 yil 24 fevralda tasdiqlangan «O‘zagroinspeksiya» tizimida korrupsiyaga qarshi kurashish bo‘yicha 2023 yilga mo‘ljallangan chora-tadbirlar dasturining 3-bandi ko‘ra, Inspeksiya xodimlarini, belgilangan tartib asosida tadbirkorlik subyektlarini tekshirish huquqini beruvchi maxsus guvohnoma olish uchun attestatsiyadan o‘tkazish va natijalari haqida axborot kiritib borish belgilangan.
Shunga ko‘ra, Inspeksiya attestatsiya komissiyasi faoliyati va attestatsiya natijalari 2023 yil davomida jamoatchilikka yetkazilib, maʼlumotlar berib borildi.
Xususan, 2023 yil har chorakda o‘tkazilgan attestatsiya natijalari tahlil etilganda, Inspeksiya attestatsiya komissiyasi tomonidan o‘tgan yilda jami 1 ming 55 nafar xodimlar attestatsiyadan o‘tkazilgan bo‘lib, shundan 965 nafar xodimlar attestatsiyadan muvafaqiyatli o‘tgan va 48 nafar xodimlar attestatsiyaga uzrli sabablarga ko‘ra kel olmaganligi sababli attestatsiyadan o‘ta olmagan. Shuningdek, 39 nafar xodimlar komissiya xulosasiga ko‘ra tekshirishga loyiq emas deb topilgan.
Eslatib o‘tamiz, Attestatsiya komissiyasi xulosasiga ko‘ra, attestatsiyadan o‘tgan "O‘zagroinspeksiya" xodimlariga maxsus guvohnoma asosida belgilangan tartibda tadbirkorlik subyektlarini tekshirish huquqi beriladi.
«O‘zagroinspeksiya» Axborot xizmati
Yangiliklar 24 | Korrupsiya - taraqqiyotimizga tahdid.
Agroinspeksiyada o‘tkazilgan targ‘ibot tadbiri shu mavzuga bag‘ishlandi.
10-dekabr (1992-yil)
“O'zbekiston Respublikasining Davlat madhiyasi to'g'risida”gi Qonun (http://lex.uz/docs/38608) qabul qilingan.
Qonunga ko'ra, Davlat madhiyasi O'zbekiston Respublikasi Davlat suverenitetining ramzidir.
Davlat madhiyasiga zo'r ehtirom bilan qarash O'zbekiston Respublikasi har bir fuqarosining vatanparvarlik burchidir.
9-dekabr – Xalqaro korrupsiyaga qarshi kurash kuni
Birlashgan Millatlar Tashkiloti Bosh Assambleyasining 2003-yil 21-noyabrdagi rezolyutsiyasiga muvofiq, 2004-yildan boshlab “9-dekabr – Butunjahon korrupsiyaga qarshi kurashish kuni” (International Day Against Sorruption) sifatida nishonlab kelinmoqda.
2003-yil 9-dekabr kuni Merida (Meksika) shahrida Birlashgan Millatlar tashkiloti tashabbusi bilan Korrupsiyaga qarshi kurash bo‘yicha xalqaro konvensiya imzolangan.
Bosh Assambleya rezolyutsiyasida aytilishicha, bu kunni belgilashdan maqsad, korrupsiya muammosining tub mohiyatini tushunib yetish va korrupsiya bilan kurashish hamda uni oldini olishdan iboratdir.
Inspeksiyada korrupsiyaga qarshi murosasizlikni shakllantirishga qaratilgan seminar tashkil etildi
Bugun- 30-noyabr kuni O‘zbekiston Respublikasi Qishloq xo‘jaligi vazirligi huzuridagi Agrosanoat majmui ustidan nazorat qilish inspeksiyasi tomonidan O‘zbekiston “Adolat” sotsial-demokratik partiyasi hamda Korrupsiyaga qarshi kurashish agentligi bilan hamkorlikda “O‘zbekiston Respublikasida Korrupsiyaga qarshi kurashish borasidagi davlat siyosati va uning ustuvor yo‘nalishlari” mavzusida davra suhbati tashkil etildi.
Joriy yilning 10 noyabr kuni Inspeksiyaning rasmiy telegram ijtimoiy tarmog‘idagi kanalida «O‘zagroinspeksiya» tizimida faoliyat ko‘rsatayotgan barcha darajadagi xodimlarning korrupsiyaga qarshi kurashish sohasida olib borilayotgan ishlar yuzasidan anonim so‘rovnoma o‘tkazildi.
«O‘zagroinspeksiya» qoshidagi “Qishloq xo‘jaligi mahsulotlari sifatini baholash markazi” davlat muassasasida korrupsiyaga qarshi kurashish yuzasidan tadbir bo‘lib o‘tdi
“Qishloq xo‘jaligi mahsulotlari sifatini baholash markazi” davlat muassasasida Korrupsiyaga qarshi kurashish agentligi hamda “Adolat” sotsial-demokratik partiyasi vakillari ishtirokida “O‘zbekiston Respublikasida korrupsiyaga qarshi kurashish borasidagi davlat siyosati va uning ustuvor yo‘nalishlari” mavzusida seminar o‘tkazildi.
Ushbu tadbirda Markaz rahbariyati, boshqarma va bo‘lim boshliqlari, mutaxassis xodimlari hamda «ZOOM» platformasi orqali hududiy filiallar xodimlari ishtirok etdilar.
Bugungi kunda Inspeksiyaga ishga qabul qilingan xodimlarning huquqiy madaniyatini oshirish va ularni qonun hujjatlariga hamda ichki hujjatlariga rioya qilish ruhida tarbiyalash maqsadida “Agrosanoat majmui ustidan nazorat qilish inspeksiyasi tizimida korrupsiyaga oid huquqbuzarliklarni oldini olishga qaratilgan asosiy talablar va tamoyillarni belgilash to‘g‘risida”gi buyruqqa asosan korrupsiyaga qarshi kurashish bo‘yicha o‘qitib borilmoqda. 01.11.2023
