“ЎЗАГРОИНСПЕКСИЯ”НИНГ НАМАНГАН ВИЛОЯТИ БОШҚАРМАСИ ЖАМОАСИ "ЗАКОВАТ"ДА 2-ЎРИННИ ҚЎЛГА КИРИТДИ

Бугун Наманган шаҳридаги “Ёшлар маркази” биносида Ўзбекистон касаба уюшмалари Федерацияси Наманган вилоят Кенгашининг ташаббуси билан вилоятдаги корхона ва ташкилот ходимлари ўртасида “Заковат” интеллектуал ўйини ўтказилди.

Касаба уюшмалари ҳаракатининг 120 йиллиги муносабати билан 30 ёшгача бўлган ёш ишчи ходимлар ўртасида бўлиб ўтган мазкур тадбирда “Ўзагроинспексия”нинг Наманган вилояти бошқармаси жамоаси ҳам муносиб иштирок этди ва фахрли 2-ўринни қўлга киритди!

Бу натижа жамоанинг билимга чанқоқлиги, жипслиги ва интеллектуал салоҳияти самарасидир.