БУХОРОДА УРУҒЛИК ДОН ЎРИМ ЙИҒИМ ИШЛАРИ БОШЛАНДИ

Бухоро вилоятида 2025 йил ҳосили учун жами 15 700 тонна, шундан ғалланинг “Алексеич” навидан 4 862 тонна, “Гром” навидан 1 695 тонна, “Грут” навидан 2 281 тонна, “Васса” навидан 4 442 тонна, “Еланчик” навидан 986 тонна  ва бошқа янги навлардан 1434 тонна уруғлик дон жамғариш режалаштирилган.

Туманларда ташкил этилган ишчи гуруҳлар томонидан ўтказилган апробация натижасига кўра 173 нафар фермер хўжалигининг 4932 гектар уруғлик ғалла майдони туман апробация комиссиялари томонидан яроқли деб топилган. 85 нафар фермер хўжаликларининг 207 гектар, шундан 82 нафар фермер хўжалигининг 181 гектар майдони қисман, 3 нафар фермер хўжалигининг 26 гектар майдони тўлиқ бегона ўт ва бегона нав аралашмалари миқдоридан кўплиги ҳамда агротехника тадбирларни ўз вақтида бажарилмаганлиги сабабли яроқсиз деб топилган.

Айни кунларда уруғлик донни ўриб йиғиш ишлари бошлаб юборилди. Хусусан, Жондор туманидаги “Яккатут ғаллачилик, шоличилик ва уруғчилик кластери” МЧЖга қарашли 500 гектар уруғлик ғалла майдонларида ғалла ўримига киришилди.

 “Ўзагроинспексия”нинг Бухоро вилояти бошқармаси ходимлари томонидан қабул қилинаётган уруғлик донларни лаборатория ходимлари томонидан белгиланган меъёрий ҳужжатлар талаблари асосида қабул қилиниши ва тўғри таҳлил қилинишини ҳамда алоҳида намуна сақлаш хоналарида сақланиши қатъий назоратга олинган.

Маълумот учун, уруғлик донларни “Бухородонмаҳсулотлари” АЖга қарашли Вобкент туманидаги “И.Наимов”, “Яккатут ғаллачилик ва уруғчилик кластери” МЧЖга қарашли “Гулистон” уруғлик дон қабул қилиш масканида ва “Уруғчиликни ривожлантириш маркази” ДМ вилоят бошқармасига қарашли Ромитан туманидаги “Бухара Бест Сеэдс” МЧЖ ҳамда элита уруғчилик хўжаликларида уруғлик дон қабул қилиш белгиланган.

З.Аслонов,

“Ўзагроинспексия”нинг Бухоро вилояти бошқармаси шўба бошлиғи