ҚИШЛОҚ ХЎЖАЛИГИ ТЕХНИКАЛАРИНИ НОҚОНУНИЙ БОШҚАРГАН ҲУҚУҚБУЗАРЛАРГА ЧОРА КЎРИЛМОҚДА

Қашқадарё вилоятида  жами 41 минг 897 та қишлоқ хўжалик, йўл қурилиш техника ҳамда агрегатлари мавжуд.

Жорий йилнинг 1 июнга қадар жами 12 минг 668 та қишлоқ хўжалик техникаларини йиллик мажбурий техник кўрикдан ўтказилиб, кўрсатилган барча давлат хизматлари эвазига жисмоний ва юридик шахслар томонидан 1 млрд. 714 млн. сўм тўловлар амалга оширилган.

Ўзагроинспексиянинг вилоят бошқармаси ҳамда туман бўлимлари техника ҳолатини назорат қилиш бўйича мутахассислари томонидан 2025- йилнинг ўтган даври мобайнида соҳада қонун устуворлигини таъминлаш ва қишлоқ хўжалик техникаларидан фойдаланиш талабларига риоя этмаган ҳуқуқбузарларга нисбатан 220 та маъмурий баённомалар расмийлаштирилиб, Ўзбекистон Республикасининг МЖТКнинг тегишли моддаларига асосан таъсир чоралар қўлланилди.

Бундан ташқари, “Ўзагроинспексия” ва Ички Ишлар Вазирлиги Йўл Ҳаракати Хавфсизлиги бош бошқармаси ҳамкорлигидаги қўшма тадбирлар режасига кўра инспекциянинг вилоят бошқарма ва туманлар бўлимлари томонидан қўшма рейд тадбирлари доимий тарзда ўтказилиб келинмоқда.

Қашқадарё вилоятида ўтган май ойи давомида 48 та қўшма рейд ўтказилган.

Хусусан, инспекциянинг Миришкор ва Касби туман бўлимлари ва туман ИИБ  ЙХХБ  инспекторлари ҳамкорлигида қишлоқ хўжалиги техникаларини соз холда ишга чиқарилиши юзасидан назорат тадбирлари олиб борилмоқда.

Тадбир давомида, Касби тумани “Оқ Қамиш” МФЙда 7 та мажбурий йиллик техник кўрикдан ўтмаган, 2 та давлат рўйхатига олинмаган қишлоқ хўжалиги техникаларидан фойдаланаётганлиги аниқланди. Жумладан, туман ҳудудида ҳаракатланиб келаётган “Жасурбек Жавоҳир  Капитал” МЧЖ га тегишли  Фронтал юклагич ЗЛЙ920 русумли техника  тўхтатилиб текширилганида техник кўрикдан ўтмаган  аниқланди. Ушбу техникадан фойдаланиб келаётган мулк эгаларига нисбатан Маъмурий Жавобгарлик тўғрисидаги Кодекснинг тегишли моддалари билан маъмурий баённома расмийлаштирилиб, техника жарима майдонига юборилди.

“Ўзагроинспексия”нинг Қашқадарё вилояти бошқармаси