Ҳаракатланувчи мобил техник назорат- техника эгалари учун қулайлик яратмоқда

Маълумки, Ҳукуматнинг 2023 йил 29 апрелдаги 170-сон Қарорининг 4-бандида, "Ўзагроинспекция" 2023 йил 1 майдан бошлаб жисмоний ва юридик шахсларнинг қишлоқ хўжалиги, мелиорация ва йўл-қурилиш техникаларини ҳаракатланувчи (махсус автотранспорт) мобил техник назорат линияларидан фойдаланган ҳолда мажбурий йиллик техник кўрикдан ўтказиш амалиётини жорий этиш белгиланган.

Юқоридаги қарор ижросини таъминлаш мақсадида, Инспекция томонидан ўтган давр мобайнида бир қатор ишлар амалга оширилди.

Хусусан, республикадаги жисмоний ва юридик шахслар номига рўйхатга олинган қишлоқ хўжалиги, мелиорация ва йўл-қурилиш техникаларини мажбурий йиллик техник кўрикдан ўтказиш учун “Ўзагроинспекция” томонидан Қорақалпоғистон Республикаси, вилоятлар ва Тошкент шаҳри бошқарма ва туман бўлимларига 2 тадан жами 28 та ҳаракатланувчи мобил техник назорат линиялари етказилиб берилди ва улар белгиланган ўлчов асбоб-ускуналари билан жиҳозланган;

1.    Тутун ўлчагич (Дымомер) - МЕТА-01МП 0.1 ГТН

2.    Тормоз тизимининг самарадорлигини ўлчагич (Измеритель эффективности тормозных систем) - ЭФФЕКТ-02.01 ГТН

3.    Рул чамбарагининг эркин ҳаракатланиш оралиғи масофасини ўлчагич (Измеритель люфта рулевого управления) - ИСЛ-М-01

4.    Гидро тизимдаги босимни ўлчаш жиҳози (Набор для тестирования гидросистемы) BDTK-60

5. Транспорт қутисидаги тезликни ўлчагич ( Измеритель скорости вращения в траснпортировочном кейсе) Тахометр Теsto 470

6.    Ёнилғи сарфини ўлчаш- DFN.

Мобил техник назорат линиялари ҳудудий туман бўлимларидаги тажрибали инспекторларга бириктирилиб, уларнинг ўлчов асбоб-ускуналардан фойдаланиш бўйича билимларини ошириш юзасидан Инспекция томонидан ўқув семинарлари ташкил этилди.

 Ҳозирги кунда мобил техник назорат линиялари бириктирилган инспекторлар нафақат ўз ҳудудларидаги қишлоқ хўжалиги, мелиорация ва йўл-қурилиш техникаларини, қолаверса яқин туман бўлимлари техника ҳолатини назорат қилиш инспекторларининг талабномаларига асосан, техникаларни ушбу хизматдан фойдаланган ҳолда техник кўрикдан ўтказиш ишларини амалга ошириб келмоқдалар.

Ушбу амалиёт жорий этилган кундан бошлаб ҳозирги вақтгача Республика бўйича 2500 тадан ортиқ дон ўриш комбайнлари ва 5 800 тага яқин техникалар ҳаракатланувчи мобил техник назорат линияларидан фойдаланган ҳолда техник кўрикдан ўтказилди.

Техникаларини ҳаракатланувчи мобил техник назорат линияларидан фойдаланган ҳолда техник кўрикдан ўтказиш амалиётини жорий этилиши натижасида техника эгаларининг сўровномасига асосан техникалар турган жойига борган ҳолда техник кўрикдан ўтказиш имконияти яратилди.

Натижада, техникаларни белгиланган муддатларда техник кўрикдан ўтказиш ишлари ўз вақтида амалга оширилишига ҳамда техника эгасининг техникани техник кўрикдан ўтказиш учун белгиланган жойга олиб боришига кетадиган вақти ва ортиқча ёқилғи сарфи тежалишига имкон яратилди.

"Ўзагроинспекция" Техника ҳолатини назорат қилиш бошқармаси