ҚИШЛОҚ ХЎЖАЛИГИ ЭКИНЛАРИ УЧУН ГЕНЕТИК БАНК ЯРАТИЛАДИ

Вазирлар Маҳкамасининг 13.05.2020 йилдаги «Қишлоқ хўжалиги экинлари навларини синаш маркази фаолиятини такомиллаштириш, қишлоқ хўжалиги ўсимликлари турларининг Миллий генбанкини яратиш тўғрисида»ги 282-сон қарори қабул қилинди.

Қишлоқ хўжалиги вазирлиги ҳузуридаги  Қишлоқ хўжалиги экинлари навларини синаш марказининг вазифалари этиб қуйидагилар белгиланди:

• қишлоқ хўжалиги экинлари, навлари ва дурагайлари синовини халқаро стандартлар даражасига етказиш;
• қишлоқ хўжалиги экинлари янги навлари бўйича селекция ютуқларининг патентга лаёқатлилигини экспертизадан ўтказиш;
• синаш ишларига ресурс тежовчи ва инновацион технологияларни жорий этиш;
• нав синаш станциялари ва лабораторияларнинг моддий-техника базасини мустаҳкамлаш.

Қарор билан Миллий генетик банк яратиш бўйича чора-тадбирлар дастури тасдиқланди.

Ўсимликшунослик илмий-тадқиқот  институтининг негизида Ўсимликлар генетик ресурслари илмий-тадқиқот институти ташкил этилади.

Ҳужжат Қонун ҳужжатлари маълумотлари миллий базасида эълон қилинган ва 14.05.2020 йилдан кучга кирди.

Подробнее: https://www.norma.uz/uz/qonunchilikda_yangi/qishloq_hujaligi_ekinlari_uchun_genetik_bank_yaratiladi