2021 ЙИЛГИ ҒАЛЛА ЎРИМ-ЙИҒИМ МАВСУМИ ТАҲЛИЛ НАТИЖАЛАРИ

Айни паллада Республикамизнинг дон қабул қилиш масканларида иш қизғин. Жорий йилнинг 30 июнь ҳолатига 2021 йил ғалла ҳосилидан республика бўйича давлат эҳтиёжига (тезкор маълумотларга кўра), қабул қилинган 2 млн. 133 минг 864 тонна буғдой доннинг 99,2 фоизи 3-синфни, 0,5 фоизи 4-синфни ва 0,3 фоизи 5-синфни ташкил қилади.

Инспекциянинг ҳудудий бошқармалари ва туман бўлимлари мутахассислари томонидан дон қабул қилиш корхоналарига қабул қилинаётган донларнинг сифати қайта синовдан ўтказилганда, корхона лабораториялари ходимлари томонидан доннинг сифатини нотўғри аниқлаш ҳисобига фермер хўжаликларига жами 269 млн. 886 минг 300 сўм кам, 4 млн. 769 минг 100 сўм кўп тўланганлиги аниқланиб, хўжаликларга қайта ҳисоб-китоб қилиш бўйича кўрсатмалар берилди.

Дон топширувчилар ва қабул қилувчи корхоналар ўртасида доннинг сифати ва синфи бўйича юзага келган 34 та низоли масалалар жойида ҳал этилди.

Давлат эҳтиёжи учун харид қилинаётган бошоқли доннинг сифати тўғри таҳлил қилиниши Инспекция мутахассислари томонидан кунлик назоратга олинган.

Сардор Зупаров, Инспекциянинг Дон, уруғлар ва уларни қайта ишлашдан олинган маҳсулотлардан фойдаланишни назорат қилиш бўлими бошлиғи