ТАҲЛИЛ: коррупциявий ҳолатлар юзасидан мурожаатлар мавжуд эмас

“Ўзагроинспекция”да коррупциявий ҳолатларни барвақт аниқлаш ва уларнинг сабаб ва шарт-шароитларини бартараф этиш, коррупциявий хатти-ҳаракатлар содир этилишининг олдини олиш, Инспекция тизими ходимларида коррупцияга нисбатан муросасиз муносабатни шакллантириш мақсадида ҳамда уларнинг ҳуқуқий онги ва маданиятини ошириш, коррупцияга қарши профилактик чора-тадбирларни ташкил этиш, коррупцияга қарши курашиш соҳасидаги ҳужжатлар ижросини таъминлаш борасида 2023- йилнинг ўтган даврида муайян ишлар амалга оширилди.

Хусусан, “Ўзагроинспекция”нинг коррупцияга қарши курашиш бўйича ички локал ҳужжатларига ўзгартириш ва қўшимчалар киритилди.

Ҳисобот даврида ходимларнинг ҳуқуқий саводхонлигини ошириш мақсадида “Ўзагроинспекция”нинг Техника ҳолатини назорат қилиш бошқармаси, Қишлоқ хўжалигига мўлжалланган сув ресурсларидан фойдаланиш ва агротехник тадбирлар ўтказишни назорат қилиш бошқармаси, Қишлоқ хўжалиги маҳсулотлари сифатини баҳолаш маркази ва уларнинг ҳудудий бўлинмалари ходимлари билан “Қонунчилик ҳужжатларига риоя қилиш ва коррупция ҳолатларига йўл қўймаслик”, “Коррупцияга қарши курашишнинг Конституциявий асослари ва йўналишлари” мавзуларида профилактик тадбир ва ўқув-вебинарлари ташкил этилди.

Мазкур тадбирлар ҳуқуқни муҳофаза қилувчи идоралар ходимлари иштирокида  “Ўзагроинспекция”нинг ҳудудий бошқармаларида ташкил этилиб, материаллар расмий веб-сайтга жойлаштирилди.

Шунингдек, давлат харидларини амалга оширишда манфаатлар тўқнашувини таҳлил қилиш ва “Ўзагроинспекция” билан шартномавий муносабатларга киришган юридик ва жисмоний шахслар бўйича “Ўзагроинспекция” бошлиғининг 2023-йил 1-мартдаги 4-б-сон буйруғига асосан “Ўзагроинспекция”нинг ривожлантириш жамғармаси маблағлари ва улардан фойдаланишнинг аҳволи ўрганилиб, аниқланган камчилик ва муаммоли масалаларни ҳал этишга қаратилган чора-тадбирлар белгилаб олинди.

Бундан ташқари, коррупцияга оид мурожаатлар бўйича ўтган ҳисобот ойи таҳлил қилинганида “Ўзагроинспекциянинг” алоқа каналлари (Ишонч телефони, почта, телеграм-канал) орқали  бирор марта мурожаат келиб тушмагани аниқланди.

Худди шунингдек, Агроинспекцияда коррупцияга оид мурожаатларни қабул қилиш бўйича телеграм ботт (https://t.me/uzagroinbot) каналлари доимий равишда ишлаб туриши таъминланмоқда.

Ҳисобот даврида “Ўзагроинспекция”га юклатилган функция бўйича коррупциявий хавфларни аниқлаш ва баҳолаш жараёнлари ўтказилди.

 Ўзбекистон Республикаси Президентининг 2022-йил 14-июндаги ПФ-154-сон фармонининг 9.2-бандига асосан “Ўзагроинспекция”нинг расмий веб-сайтида Инспекциянинг иш режалари тўғрисидаги маълумотлар эълон қилиб келинмоқда.

 “Ўзагроинспекция” томонидан кўрсатилаётган 24 турдаги давлат хизматлари соҳасида коррупциявий хавф-хатарларни бартараф этиш мақсадида қонунчилик ҳужжатлари хатловдан ўтказилиб, норматив-ҳуқуқий ҳужжатлар лойиҳалари ишлаб чиқилди, манфаатдор вазирлик ва идоралар билан келишилиб, натижада, лойиҳа бўйича  2023- йил 29-апрелда Ҳукуматнинг 170-сонли Қарори қабул қилинди.

Қарорга асосан, қишлоқ хўжалиги, мелиорация ва йўл-қурилиш техникалари соҳасида 8 турдаги давлат хизматлари кўрсатишнинг маъмурий регламентлари тасдиқланди.

Амалга оширилган ишлар юзасидан, Ҳисоб палатаси ва Коррупцияга қарши курашиш агентлиги ўртасидаги қўшма Фармойишига асосан “Ўзагроинспекция”да коррупцияга қарши курашиш бўйича ички назорат тизимининг жорий қилинганлиги ўрганиб чиқилиб, натижасига кўра бир неча тавсиялар бериб ўтилди.

Айни вақтда “Ўзагроинспекция”да мазкур тавсияларга асосан коррупцияга қарши курашиш бўйича ички назорат йўналишида амалий ишлар давом эттирилмоқда.

“Ўзагроинспекция” Ахборот хизмати