Бош вазир кубоги бошланди, Агроинспекция жамоаси кейинги босқичда!

Жисмоний тарбия ва спорт вазирлиги ташаббуси билан вазирликлар, идоралар, хўжалик бирлашмалари, йирик корхона ва ташкилотларнинг марказий аппарати ходимлари ўртасида футбол бўйича “Бош вазир кубоги-2021” мусобақалари ташкил этилаётгани ҳақида хабар берган эдик. 

Бугун “Бунёдкор” футбол академияси машғулот майдонларида бўлиб ўтаётган футбол мусобақаларига  старт берилди ва 1/32 финал босқичи учрашувлари якунига кўра, кейинги босқичга йўл олган барча жамоалар номи маълум бўлди.

“Ўзагроинспекция” жамоаси  «Давстатқўм»га қарши ўйинда матонат кўрсатди. Ўйиннинг илк дақиқаларида 0:1 ҳисоби билан ортда қолаётган инспекция жамоаси орадан ҳеч қанча ўтмай ҳисобни тенглаштирди ва муросасиз кечган ўйин давомида рақиблари дарвозасини жами олти марта ишғол қилиб, 6:3 ҳисоби билан ўйинни ўз фойдаларига ҳал қилишди.

Жамоага ғалаба муборак бўлсин!

Эртанги бўладиган учрашувда Агроинспекция Қишлоқ хўжалиги вазирлиги билан куч синашади.

"Ўзагроинспекция" Ахборот хизмати