ХОРАЗМ : ҳукумат қарорларида белгиланган имтиёзлар асосида харид қилинган техникалар Инспекция назоратида
Хоразм вилояти туманларида 2025 йилги ғалла ҳосили учун экин экиладиган жами майдонлар 33 минг 200 гектар бўлиб, шундан очиқ майдонга 2 минг 275 гектар ва ғўза қатор орасига 30 минг 925 гектар дон уруғлари қадалиши режалаштирилган.
Мазкур тадбир учун ер тайёрлаш ишларига 73 та техника ва 639 та мосламалар, 63 та дон экиш сеялкалари жалб қилиниши белгиланган бўлиб, бугунги кунда ушбу техникалар тўлиқ мавсумга тайёрланган ҳолда сафарбар қилинди.
Ҳукумат томонидан қабул қилинган соҳага доир қарорлар (24.11.2022 йил, 672-сон) деҳқон ва фермер хўжалик раҳбарларига бир қатор имтиёзлар бермоқда. Имтиёзлардан фойдаланган деҳқон ва фермер хўжаликлари ўзларининг моддий техник базаларини янгилаб олишга эришдилар.
Жумладан, вилоятдаги деҳқон ва фермер хўжаликларида 2022 йилда дон экиш сеялкалари 25 тани ташкил қилган бўлса, имтиёзлардан фойдаланган ҳолда 2024 йилга келиб 63 тани, Худди шундай лазерли ер текислагичлар сони 2022 йилда 142 та бўлган бўлса, 2024 йилга келиб 435 тани ташкил этмоқда.
Вилоятдаги барча турдаги қишлоқ хўжалик техникаларини мавсумга тайёргарлиги ҳукуматнинг “Қишлоқ хўжалиги, мелиорация ва йўл-қурилиш техникаларидан фойдаланиш соҳасида давлат хизматлари кўрсатиш тизимини такомиллаштириш чора-тадбирлари тўғрисида”ги қарорида белгиланган талаблар асосида туманлардаги техника назорати мутахассислари томонидан доимий назоратга олинган.
Имтиёз асосида янгидан харид қилинган қишлоқ хўжалик техникалари ва мосламаларининг ҳисоби электрон базада юритилиб, ўз вақтида давлат рўйхатидан ўтказиб келинмоқда.
Амалдаги қонунчилик ҳужжатлари билан Ўзагроинспекцияга берилган ваколатлардан келиб чиқиб, қишлоқ хўжалик техникаларини пахта йиғим терим мавсумига тайёрлаш бўйича кунлик назорат тадбирлари давом эттирилиб, аниқланган камчиликлар юзасидан тегишли таъсир чоралари кўриб борилмоқда.
Д.Полвонов, Қ.Сабиров- "Ўзагроинспекция"нинг Хоразм вилоят бошқармаси Техника назорати шўбаси
