Ру Ўз O`z En

НАВБАҲОР ТУМАНИ: 182 ДОНА КУЛЬТИВАТОРЛАР АГРОТЕХНИК ТАДБИРЛАРГА ЖАЛБ ҚИЛИНГАН

19 Май 2023 1285

Бугунги кунда ғўза парваришида барча агротехник тадбирларни ўтказишда ҳар кунлик назорат таъминланаётганлиги, шунингдек, йўл қўйилаётган муаммо ва камчиликларни ечими билан жойида ҳал этиб берилаётганлиги ғўза парваришида ўз самарасини бермоқда.

Айниқса, ғўза қатор ораларига ишлов беришнинг самараси ва сифати ҳам яхшиланиб, бугунги кунда вилоятнинг аксарият ҳудудларида 2-культивация ишлари якунига етказилиб, чуқур юмшатиш ва суспензия сепиш ишлари 1-1,2 марта амалга оширилди.

«Ўзагроинспекция»нинг Навоий вилояти бошқармаси ва Навбаҳор туман бўлими ходимлари томонидан жойлардаги ғўза майдонларида агротехник тадбирларни кечиктирмай, ўз вақтида, сифатли бажарилиши устидан назорат ишлари олиб борилмоқда.

Навбаҳор туманида жорий йил ҳисобида 186 та фермер хўжаликларининг 6 минг 600 гектар майдонида чигит экиш ишлари амалга оширилди.

Туманида 182 та культиваторлар ғўза қатор ораларига ишлов бериш ишларига жалб қилиниб, бугунги кунда ушбу тадбир қизғин давом этмоқда.

Шунингдек, тумандаги “Шавкат Али” фермер хўжалиги ғўза майдонларида айни пайтда иккинчи культивация ишлари олиб борилаётган бўлиб, Инспекция ходимлари томонидан культивация ишлари сифатли олиб борилиши ўрганилиб, фермер хўжалиги раҳбарларига тегишли кўрсатмалар берилди.                                       

Албатта, бу ишларнинг барчаси деҳқону фермерларимиз томонидан парваришланаётган ғўза ниҳолларини бекаму кўст ҳосилга киритиш, вилоятимиз пахта хирмонини кутилганиданда юқорироқ юксалтиришга қаратилганлиги билан аҳамиятлидир.

 D.Rashidova, Агроинспекциянинг Навоий вилоят бошқармаси                       

Белгиланган матнни тинглаш учун қуйидаги тугмани босинг Powered by GSpeech