Сара уруғ-мўл ҳосил гарови
Халқмизда “Сара уруғ – мўл ҳосил гарови” деган нақл бор. Тажрибали, миришкор-пахтакорлар таъбири билан айтганда, пахтадан мўл ҳосил олишда аввало, ерга қадаладиган уруғлик чигитнинг сифати муҳим аҳамиятга эга.
Шу боис, айни кунларда мамлакатимизда уруғлик чигитни тозалаш-саралаш, туксизлантириш ҳамда касаллик ва зараркунандаларга қарши дорилаш ишлари амалга оширилмоқда.
Инспекциянинг соҳа мутахассислари томонидан Вазирлар Маҳкамасининг 2021-йил 12-октябридаги 641-сонли қарори талаблари асосида, 2024-йил ҳосилидан қабул қилинган уруғлик пахта хом-ашёсини қайта ишлаш ва ундан олинадиган уруғлик чигитни дорилаш ишлари бўйича тизимли назорат тадбирлари ўтказилиб борилмоқда.
Хусусан, пахта-тўқимачилик кластерлари ва уруғчилик корхоналарига қарашли 42 та уруғлик тайёрлаш цехларида 2025-йил ҳосили учун 29 минг тонна уруғлик чигитларни дорилаш бўйича амалий тадбирлар олиб борилмоқда.
Уруғлик тайёрловчи буюртмачиларнинг уруғлик чигитларни сертификатлаштириш юзасидан берган талабномаларига асосан 8,7 минг тонна уруғлик чигит партияларидан намуналар танлаб олиниб, “Қишлоқ хўжалиги маҳсулотларини сифатини баҳолаш маркази”нинг лабораторияларига синов учун қабул қилинган.
Бугунги кунда уруғликларни таҳлилдан ўтказиш учун Марказда барча замонавий жиҳозлар мавжуд бўлиб, таҳлил учун келтирилган уруғлик чигитнинг 2,4 минг тоннасига сифати бўйича мувофиқлик сертификатлари расмийлаштирилиб, уруғлик тайёрловчи корхоналарга берилди.
Қишлоқ хўжалиги экинларидан юқори ҳосил олиш ва сифатли маҳсулот етиштириш, асосан уруғликнинг сифатига боғлиқ бўлади.
Бу борада Инспекция томонидан жойларда амалдаги норматив ҳужжатлар талаблари асосида уруғлик чигитни тайёрлаш бўйича семинарлар ўтказилиб, корхоналарнинг тегишли мутасадди ходимларига тавсия ва кўрсатмалар бериб борилди.
Шунингдек, Инспекция томонидан 2025-йил ҳосили учун фермер хўжаликлар ва бошқа қишлоқ хўжалиги корхоналарининг пахта экилиши режалаштирилган майдонлари учун уруғликларни тайёрланиши, сифатли уруғлик етказиб берилиши, сертификатланган уруғликларни экилиши ва ушбу муҳим тадбирларни белгиланган муддатларга қадар якунлаш чора-тадбирлари назоратга олинган.
