Деҳқон хўжаликлари томонидан баҳорги экин экиш ишлари якунига етказилмоқда
2022-2023 йилларда Республика бўйича 674 минг 865 нафар деҳқон хўжаликларига ажратилган жами 193 минг 159 гектар ер майдонларида 2024 йил ҳосили учун 2023-йилнинг куз-қиш ва 2024-йил баҳор ойларида экилиши режалаштирилган қишлоқ хўжалиги экинлари турларининг тўлиқ экилиши ҳамда экилган майдонларда агротехник тадбирларни ўз вақтида бажарилиши “Ўзагроинспекция”нинг марказий аппарати, вилоят бошқармалари ҳамда уларнинг туман бўлимлари томонидан доимий назорат қилиб борилмоқда.
Хусусан, жорий йилда деҳқон хўжаликларига ажратилган ер майдонларининг 116,5 минг гектарида сабзавот, 20 минг гектар полиз, 23,1 минг гектар картошка, 18,6 минг гектар дуккакли экинлар, 13,3 минг гектар мойли экинлар, 1 минг гектар шоли ва 409 гектар майдонларда бошқа турдаги қишлоқ хўжалиги экинларини экиб, жами 5,7 млн тонна қишлоқ хўжалиги маҳсулотлари етиштириш режалаштирилган.
“Ўзагроинспекция” томонидан Республика бўйича деҳқон хўжаликларида жорий йилнинг 24-апрел кунига қадар қишлоқ хўжалиги экинларининг экилиш ҳолати ўрганилганда, мавсум бошидан буён республика бўйича деҳқон хўжаликларнинг 175 минг 120 гектар ёки режага нисбатан 90,7 фоиз майдонларида қишлоқ хўжалиги экинлари экилганлиги маълум бўлди.
Шундан, сабзавот 112 минг 744 гектар ёки режага нисбатан 96,7 фоиз, полиз 16 минг 557 гектар ёки режага нисбатан 82,8 фоиз, картошка 21 минг 757 гектар ёки режага нисбатан 94,1 фоиз, дуккакли экинлар 14 минг 675 гектар ёки режага нисбатан 75,8 фоиз, мойли экинлар 9 минг 546 гектар ёки режага нисбатан 71,3 фоиз ва бошқа экинлар 363 гектар ёки режага нисбатан 88,8 фоизни ташкил этади.
Деҳқон хўжаликлари томонидан баҳорги экин экиш ишлари якунига етказилмоқда. Республиканинг бир қатор ҳудудларининг тупроқ-иқлим шароитидан келиб чиқиб, полиз, дуккакли ва мойли экинлар ҳамда сабзавот экинларининг айрим турларини экиш давом этмоқда.
Мисол учун, Деҳқон хўжаликлари томонидан 2024-йил баҳор ойларида қишлоқ хўжалиги экинларининг экиш ишларининг таҳлилларига кўра, Қорақалпоғистон Республикаси, Бухоро, Навоий, Наманган ва Сирдарё вилоятларида мойли экинлари ҳамда Жиззах, Самарқанд, Тошкент, Фарғона ва Хоразм вилоятларида дуккакли экинларни экиш ишлари бироз орқада қолмоқда.
“Ўзагроинспекция” томонидан 2024 йил ҳосили учун деҳқон хўжаликларига ажратилган жами 193 минг 158 гектар ер майдонларида қишлоқ хўжалиги экинларини турлари бўйича оптимал муддатларда тўлиқ экилиши мониторинг қилиб борилмоқда.
"Ўзагроинспекция" Ахборот хизмати
