Korrupsiyaga qarshi kurashish yuzasidan turkum seminarlar o‘tkazildi

Joriy yilning oktyabr va noyabr oylari davomida tasdiqlangan rejaga asosan Inspeksiyaning hududiy boshqarmalarining kadrlar sohasidagi va Inspeksiya qoshidagi “Agrosanoat majmuida xizmatlar ko‘rsatish markazi” DUK xodimlari hamda uning viloyatlarda joylashgan filiallari xodimlari bilan birgalikda “Korrupsiyaga qarshi kurashish qonunchilik amaliyoti va xodimlarning majburiyatlari” mavzusida turkum seminarlar o‘tkazildi.

Семинарда Инспекциянинг масъул раҳбарлари қатнашиб, тизимда “Коррупцияга қарши курашиш: қонунчилик, амалиёт ва ходимларнинг мажбуриятлари” хусусида тушунтириш ва профилактик суҳбатлар ўтказилди.

Профилактик тадбирларда жами - 100 нафардан ортиқ Инспекция тизими ходимлари иштирок этишди.

Тадбир иштирокчиларига коррупция бўйича асосий тушунчалар, унинг кўринишлари, турлари ва унга қарши курашни ташкиллаштиришга оид қонунчилик амалиёти ва ходимларнинг мажбуриятлари бўйича батафсил тушунтиришлар берилди.

Шунингдек, семинарда Инспекция тизими иш жараёнида эҳтимолий коррупция бўйича аниқланган ҳолатларни олдини олиш, коррупцион ҳолатлар тўғрисидаги маълумотларни зудлик билан Инспекциянинг Коррупцияга қарши ички назорат бўлимига тақдим этиб бориш бўйича келишиб олинди.

Мавзу, тадбир - қатнашчилари орасида қизиқиш ўйғотиб, баҳс - мунозара тарзида мулоқот олиб борилди ва иштирокчиларнинг қизиқтирган саволларига атрофлича жавоблар қайтарилди.

Қолаверса, Инспекциянинг расмий ижтимоий тармоқлари орқали ходимлар ўртасида ўтказилган аноним сўровнома натижаларига кўра, 1 минг 691 нафар иштирокчиларнинг мутлақ кўпчилигининг фикрича, Коррупцияга қарши курашиш, мамлакатнинг ҳар бир фуқаросига дахлдор умумҳалқ иши,- деб ҳисобланмоқда.  

Инспекциянинг Коррупцияга қарши ички назорат бўлими