Inspeksiyada “Jaholatga qarshi maʼrifat” shiori ostida davra suhbati tashkil etildi.

Bugungi kunda butun dunyo bo‘ylab g‘oyaviy-mafkuraviy tahdidlar va turli xil yot anʼanalar bilan taʼsir o‘tkazish avj olayotgan bir paytda xalqimizning to‘g‘ri va milliy qadriyatlarga mos mulohaza qilishi va bu borada fuqarolar o‘rtasida targ‘ibot ishlarini amalga oshirish muhim ahamiyatga ega.

Ana shunday masalalarni chuqur va teran muhokama qilish maqsadida O‘zagroinspeksiya hamda Shayxontohur tuman hokimligi bilan hamkorlikda O‘zbekiston Respublikasi Din ishlari bo‘yicha qo‘mita raisi maslahatchisi, Shuhrat medali sohibi Ilhom Maʼrupov ishtirokida “Jaholatga qarshi maʼrifat” shiori ostida davra suhbati tashkil etildi.

Suhbatda bugungi tahlikali va qaltis zamonda mamlakat tinchligini taʼminlash, xalqimizning erkin va farovon yashashi uchun xizmat vazifasini vijdonan bajarish har bir fuqaroning burchi ekanligi to‘g‘risidagi fikr bildirildi