TO‘RTKO‘L: taʼmirdan chiqqan kombaynlar ko‘rikdan o‘tkazildi

Qoraqalpog‘iston Respublikasi, To‘rtko‘l tumanida mirishkor dexqonlarimiz tomonidan yetishtirilgan boshoqli don hosilni nes-nobud qilmasdan yig‘ib olish bugungi kunda soha xodimlarining eng dolzarb vazifasi hisoblanmoqda. 

G‘alla o‘rim-yig‘im mavsumga tayyorgarlik ko‘rish yuzasidan tuman bo‘yicha jami 14 dona g‘alla o‘rish kombaynlari jalb qilindi. Shundan 2 dona KEYS, NYU XOLLAND va 12 dona KLAAS rusumli kombaynlar g‘alla o‘rim-yig‘im ishlariga jalb etilishi rejalashtirilgan.

Maxsus texnikalarning taʼmiri uchun 99 mln. so‘m talab etilib mazkur mablag‘lar bugungi kunda to‘liq o‘zlashtirilgan hamda sertifikatga ega bo‘lgan ehtiyot qismlar olib kelinishi taʼminlangan.

Olib kelingan ehtiyot qismlarni to‘liq o‘rnatilishi va taʼmirlash ishlarining sifatli borishi “O‘zagroinspeksiya”ning To‘rtko‘l tuman bo‘limi xodimlari tomonidan doimiy nazorat qilib borildi.

Joriy yilning 30 may kuni inspeksiyaning Qoraqalpog‘iston Respublikasi boshqarmasi hamda To‘rtko‘l tuman hokimi tomonidan tuzilgan ishchi guruh aʼzolari ishtirokida taʼmirdan chiqqan kombaynlar ko‘rikdan o‘tkazildi. Shuningdek har bir kombayn operatorlariga ularni rag‘batlantirish maqsadida, pul va oziq-ovqat mahsulotlari tarqatildi.

Shuning bilan bir qatorda tumanda fermer xo‘jaliklari tomonidan yetishtirilgan boshoqli don ekinlari hosilini sifatli qabul qilish, saqlash hamda nobudgarchiliklarning oldini olish borasida bir qator vazifalar ijrosi ustidan tizimli nazorat o‘rnatish Agroinspeksiya zimmasiga yuklatilgan bo‘lib, inspeksiyaning To‘rtko‘l tuman bo‘limi tomonidan don hosilini o‘rib-yig‘ib olish mavsumida don qabul qilish va saqlash shaxobchalari hamda omborxonalarini mavsumga tayyorlash, xalqimizning rizq-ro‘zi bo‘lgan don maxsulotlarini sifatli saqlash, aholimiz isteʼmoli uchun fermer xo‘jaliklari hamda boshqa xo‘jalik yurituvchi subyektlar tomonidan yetishtirilgan don mahsulotini o‘z vaqtida, nes nobudsiz qabul qilish borasida belgilangan normativ hujjatlar talablariga amal qilish bo‘yicha tizimli nazorat o‘rnatilgan.

Jumladan, don qabul qilish shaxobchasidagi asfalt maydonlar, ko‘chma uzatish anjomlari, avtomobil tarozilari, brezentlar, o‘t o‘chirish qalqonlari va namuna olish xonalarida taʼmirlash ishlari o‘tkazilishi, laboratoriya jihozlari davlat qiyoslov ko‘rigidan o‘tkazilganligi nazoratga olingan.

 A.Koziyev, O‘zagroinspeksiya" To‘rtko‘l tuman bo‘limi boshlig‘i